Wednesday, January 13, 2010
വാതില്പ്പഴുതിലൂടെന്
ചിത്രം: ഇടനാഴിയില് ഒരു കാലൊച്ച
രചന: ഓ എന് വി
സംഗീതം: വി ദക്ഷിണാമൂര്ത്തി
പാടിയത്: യേസുദാസ്
വാതില്പ്പഴുതിലൂടെന്മുന്നില് കുങ്കുമം വാരിവിതറും ത്രിസന്ധ്യ പോലെ
അതിലോലമെന് ഇടനാഴിയില് നിന്കള മധുരമാം കാലൊച്ച കേട്ടു
(വാതില്പ്പഴുതിലൂടെന് )
ഹൃദയത്തിന് തന്ത്രിയിലാരോ വിരല്തൊടും
മൃദുലമാം നിസ്വനം പോലെ
ഇലകളില് ജലകണമിറ്റുവീഴും പോലെന്
ഉയിരില് അമൃതം തളിച്ച പോലെ
തരളവിലോലം നിന് കാലൊച്ചകേട്ടു ഞാന്
അറിയാതെ കോരിത്തരിച്ചു പോയി (2)
(വാതില്പ്പഴുതിലൂടെന് )
ഹിമബിന്ദു മുഖപടം ചാര്ത്തിയ പൂവിനെ
മധുകരന് നുകരാതെയുഴറും പോലെ
അരിയനിന് കാലൊച്ച ചൊല്ലിയ മന്ത്രത്തിന്
പൊരുളറിയാതെ ഞാന് നിന്നു
നിഴലുകള് കളമെഴുതുന്നൊരെന് മുന്നില്
മറ്റൊരു സന്ധ്യയായ് നീ വന്നു (2)
(വാതില്പ്പഴുതിലൂടെന് )
Subscribe to:
Post Comments (Atom)
0 comments:
Post a Comment